ചില വാക്കുകള്
നൊമ്പരപ്പെടുത്തും
ചിലത് ആഴങ്ങളില് ചെന്ന്
മുറിവുകള് തീര്ക്കും.
മുന കൂര്പ്പിച്ച വാക്കുകള്
എറിയാന് കാത്ത് നില്പ്പുണ്ട്
കളിവാക്കുകള് കേട്ട് മടുത്ത
കരിങ്കണ്ണികള് !
എത്ര പറഞ്ഞാലും
തീരാത്ത വാക്കുകളുമായി
പിന്നേയും അവള് വരും,
ഒരു നോട്ടം കൊണ്ട്
വാക്കുകളെ
ചങ്കില് ചങ്ങലക്കിടും!
കളിവാക്കല്ലെന്ന്
നെറുകില് തലോടിയി-
ട്ടെത്രയാവര്ത്തി
പറഞ്ഞാലും,
പാഴ്വാക്കുകള് പെറുക്കി
കണ്ണീരില് ചാലിക്കും.
വാക്കുകള് പിന്നേയും
പൂക്കും,തളിര്ക്കും,
കൊതിപ്പിക്കും
എന്നില് അലിഞ്ഞ്
തീരും വരെ!